上排俾我發現左呢本正野 人大之科學
真係開心到傻
呢本日本雜誌好好呀
買雜誌送相機 (雖然本雜誌並不是普通價錢- -)
但勝在我可以自己親手砌
我恨左砌相機好耐架喇






砌呢部相機最煩應該係個快門
就係下面圓形果個窿
要自己去調較個螺絲
較到岩位既話
當你一禁影相個制
下面果塊野就會迅速彈開
彈開完之後佢就會迅速彈返去遮住個窿
呢個就係快門喇
而且呢到就係個 "卡察" 位發聲既地方
 "卡察" 聲真係好好聽-v-


影相就係望住呢個窿喇
好好玩呀~~
可以由呢個窿到睇到出面
好特別呀~~


不過呢
呢部係菲林相機
有好多野都要自己搞
好似有d難用
我驚我會唔識用
可能一卷菲林裡面最後只有3,4張可以曬到出黎= ="

呢本雜誌有好多期
每期都送唔同既野
有好多睇落都好好玩呀




正宗 " 紅衫魚 "呀!!!!
我老豆唔記得係件衫拎返封利是出黎
佢就拎左件衫去洗
搞到個利是封甩哂色落張一百蚊紙到

我好驚
一直都好驚家人既健康會出現問題
就算而家真係發現左有些少問題
我都唔願意接受
雖然有人話心理會影響生理
但我對呢種事真係非常悲觀

人遲早都要死
但我係呢個世界生存係為左咩?
係咪為左做d野證明自己生存過?
可能係為左感受生命啦
我而家真係好迷茫
只係知道一定要入大學
無其他選擇
但我而家已經好緊張
加上我又唔知自己既目標係咩
其實我覺得去到中七已經係我既盡頭

如果...
我可以早d出世而唔係做最細果個就好喇
起碼我可以而家已經可以幫手供樓
而且仲可以對父母耐d

我俾自己既壓力大左好多...

由細到大
自己樣樣野都係表現得平傭
真係好想有一方面可以出人頭地呢~

算喇..講完咪又係要繼續努力讀書
呼~~~~~~~~~

               樽頸位

近排令我最難過既就係臼井儀人既離世
我細個果時有買小新,老夫子,叮噹睇
最鍾意既就係睇蠟筆小新
連我個平日唔多出聲既表弟都會睇到笑
唉...
但我覺得以前既小新好似好睇d

而家好多野做
d報紙好似睇唔完咁
日復一日
有d報紙話就話睇完  (淨係睇標題)
只係剪左d重要既落黎
儲埋佢..唔知幾時先可以好好整理果d報紙呢- -"
臼井儀人既報導我都有剪落黎呀
貼左係我本通識剪報到
打開第一頁就見到小新

其實我對M & S既興趣不大
不過我覺得梁舜昭都幾好人呀
雖然佢表達能力就麻麻

通識係幾有趣既
奈何我讀既係現代世界而唔係人際關係/__\
現代世界唔係唔鍾意呀(當讀history = =)
但係william好鬼悶呀 -口-
但唔知點解佢上香港研究果時又有趣d

我仲未適應到
我想再懶d
我好耐無掂過部相機喇